O curso combina sesións teóricas con outras vivenciais a través das que adquirir coñecementos arredor das cuestións básicas sobre o androcentrismo e sexismo na linguaxe así como habilidades e ferramentas para unha análise crítica do discurso.

Estes son os contidos:

Democratización da lingua.

Introdución aos conceptos básicos da linguaxe inclusiva.

Palabras e discursos: Construción de significados.

Materializacións prácticas do sexismo lingüístico. Estratexias prácticas da linguaxe inclusiva.

E estas as competencias a desenvolver:

Identificación das fontes de desigualdades que operan nos diferentes ámbitos sociais e se plasman na linguaxe.

Análise con perspectiva crítica da linguaxe e comunicación e deseño de solucións.

Capacidade para aplicar a análise crítica a diferentes problemáticas e cuestións sociais.

A formación divídese en 10 sesións de 2 horas aínda que se pode adaptar ás necesidades do grupo, que será dun máximo de 20 persoas. Será impartida por Olalla L. Barro.